Plantun de Prouvènço

Pèr coumpara dos planto d'encò nostre

Ranunculus sceleratus & Oxalis corniculata

Ranouncle(-di-fueio-d'àpi)

Ranunculus sceleratus

Ranunculaceae

Àutri noum : Renouncle, Jaunoun.

Nom en français : Renoncule scélérate.

Descripcioun :
Planto annalo que pau faire mai de 50 cm d'aut, de canau e di relarg umide. Si cambo soun bèn drecho e si fueio lusènto ; douno de pichòti flour jauno emé de gros carpello que fan uno gibo sus le dessubre. Li fueio soun de dos meno diferènto ; aquésti d'en bas soun un pau roundo e dounon d'èr à-n-aquéli de l'àpi, au contro de li d'en aut que soun coumpausado de tres partido lineàri.

Usanço :
Aquéu ranouncle, coume proun, es uno planto empouisounanto. Brulo la pèu e avisas-vous de lou pas manja qu'èi forço marrit pèr lou vèntre e li ren. Parèis que de lou manja fai veni un sourrire embefia.

Port : Erbo
Taio : 10 à 100 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Ranunculus
Famiho : Ranunculaceae

Ordre : Ranunculales

Coulour de la flour : Jauno
Petalo : 5
Ø (o loungour) flour : 0,6 à 0,8 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Remarco :
Abriéu à setèmbre

Liò : Palun - Ribiero
Estànci : Mesoumediterran à Coulinen
Couroulougi : Bourealo
Ref. sc. : Ranunculus sceleratus L., 1753

Crousadello(-en-cournet)

Oxalis corniculata

Oxalidaceae

Noms en français : Oxalis corniculé, Oxalide corniculée.

Descripcioun :
Planto renadivo, basso en mato. Se recounèis à si flour jauno pulèu pichoto emé uno garganto raiado de roujo, à si fueio di tres fuioun que dounon d'èr à un tréulet bastard. S'atrobo d'en pertout dins lou mounde e sabèn pas trop d'ounte vèn.

Usanço :
Li crousadello, coume lou pan-de-cougiéu, Oxalis acetosella, dounon un goust acidula au manja. Poudès n'en garni vosto ensalado o vòsti soupo. Pamens fau pas trop n'en prendre malodi l'acide óussali qu'èi pas bon pèr li ren.

Port : Erbo
Taio : Pancaro entresigna
Fueio : coumpausado
Tipe bioulougico :
Cicle bioulougico : Planto renadivo

Gènre : Oxalis
Famiho : Oxalidaceae

Ordre : Oxalidales

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun
Remarco : Arqueoufito

Liò : Champ - Paret - Ribiero
Estànci : Termoumediterran à Coulinen
Couroulougi : Pancaro entresigna
Ref. sc. : Oxalis corniculata L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Ranunculus sceleratus & Oxalis corniculata

ges

RRR

ges

Coumpara Ranouncle(-di-fueio-d'àpi) emé uno autro planto

Coumpara Crousadello(-en-cournet) emé uno autro planto